போடி ஒன்றியக்கிளையின் நான்காவது மாநாடு

போடி ஒன்றியக்கிளையின் நான்காவது மாநாடு ஜூலை 30 2015 வியாழக்கிழமை அன்று மாலை மாலை 5 மணி அளவில் போடி மூட்டா அரங்கில் நடைப்பெற்றது. போடி கிளைத்தலைவர் ஆர்.காளிதாஸ் தலைமை தாங்கினார். மாவட்ட துணைத்தலைவர்.செ.சிவாஜி மற்றும் முனைவர் சி. கோபி முன்னிலை வகித்தனர். போடி கிளைச்செயலாளர் ப.ஸ்ரீதர் வரவேற்புரை ஆற்றி கிளையின் கடந்த கால செயல்பாடுகளை அறிக்கையாக சமர்ப்பித்தார். அதனைத்தொடர்ந்து அறிக்கை மீதான விவாதமும் புதிய நிர்வாகிகள் தேர்வும் நடைப்பெற்றது. புதிய தலைவராக தலைமை ஆசிரியர் குமரேசன் அவர்கள் தேர்ந்து எடுக்கப்பட்டார். கிளைச்செயலாளராக ப.ஸ்ரீதர் ,பொருளாளராக பொ.ஜெகதீசன் தேர்ந்தெடுக்கப்பட்டனர். கிளையின் இணைச்செயலாளர்களாக பாலமுருகன் மற்றும் கிளைத் துணைத்தலைவர்களாக முனைவர் சி.கோபி மற்றும் ஆசிரியை ஆகியோர் தேர்ந்து எடுக்கப்பட்டனர். பதினெட்டு பேர் அடங்கிய செயற்குழுவும் தேர்ந்தெடுக்கப்பட்டது. தேர்ந்து எடுக்கப்பட்ட புதிய நிர்வாகிகளை மாநிலச்செயலாளர் மு.தியாகராஜன் மற்றும் மாவட்ட செயலாளர் வி.வெங்கட் ஆகியோர் வாழ்த்திப் பேசினர்.தமிழ்நாடு அறிவியல் இயக்க மாநில செயற்குழு உறுப்பினர் முனைவர் எஸ்.தினகரன் சக்கை உணவுகளும் அதன் கார்ப்பரேட் அரசியலும் அனும் தலைப்பில் கருத்துரை வழங்கினார்.தேனி கிளைச் செயலர் மு.தெய்வேந்திரன் காளிதாஸ்,தலைமை ஆசிரியர் பழனிராஜா,கமல் உட்பட முப்பதுக்கும் மேற்பட்ட அறிவியல் இயக்க ஆர்வலர்கள் மாநாட்டில் கலந்து கொண்டனர்.

போடி கிளைச்செயற்குழு

நவம்பர் 13 போடி கிளை செயற்குழுக்கூட்டம் போடி பேருந்து நிலையம் அருகே மூட்டா அலுவலகத்தில் மாலையில் நடைப்பெற்றது.கிளைத்தலைவர் காளிதாஸ் தலைமை தாங்கினார்.செயலர் ஸ்ரீதர் வரவேற்பு ஆற்றினார்.மாவட்ட இணைச்செயலர் ஜேசுராஜ் கலந்து கொண்டு கிளைச்செயல்பாடுகள் குறித்து பேசினார். மாவட்ட துணைத்தலைவர் திருமிகு சிவாஜி மற்றும் பலர் கலந்து கொண்டனர்.கிளைப்பொருளர் ஜெகதீசன் நன்றி வழங்கினார்.

போடி கிளைச் செயற்குழு கூட்டம்

தேனி மாவட்டம் தமிழ் நாடு அறிவியல் இயக்கத்தின் போடிகிளைச் செயற்குழு கூட்டம் 12-02-14 அன்று மாலை 5 மணி அளவில் போடி மூட்டா அலுவலகத்தில் நடைப்பெற்றது.போடி கிளைத் தலைவர் திருமிகு காளிதாஸ் தலைமை வகித்தார் மாவட்ட துணைத்தலைவர் திருமிகு சிவாஜி முன்னிலை வகித்தார்.செயற்குழு கூட்டத்திற்கு மாவட்ட இணைச் செயலர் திருமிகு ஜேசுராஜ் கல ந்து கொண்டார்.கிளைப் பொருளாளர் திருமிகு ஜெகதீசன் உட்பட 10 கிளை உறுப்பினர்கள் செயற்குழுவில் கல ந்து கொண்டனர்.கிளை உறுப்பினர்களிடம் ஆயுள் சந்தா பெறுவது,தேசிய அறிவியல் தின நிகழ்ச்சிகளை நடத்துவது, சர்வதேச படிக வரைவியல் ஆண்டு நிகழ்ச்சிகளை நடத்துவது குறித்தும் முடிவு எடுக்கப்பட்டது வரும் மே மாதம் நடைபெற உள்ள மாநில அளவிலான மார்றுக்கல்விக்கான வாசிப்பு முகாமை போடி கிளை மேற்பார்வையில் நடத்த மாவட்ட கிளையிடம் அனுமதி பெறுவது குறித்தும் பேசப்பட்டது….

ஐசான் வால் நட்சத்திரம் குறித்து பிரச்சாரம்:

தமிழ்நாடு அறிவியல் இயக்கம் சார்பில் நவம்பர் 26 அன்று செவ்வாய் கிழமை அன்று காலை 10 மணி அளவில் போடி பங்கஜம் நடுநிலைப்பள்ளியில் ஐசான் வால் நட்சத்திரம் குறித்து கருத்தரங்கம் நடைப்பெற்றது.கருத்தரங்கத்திற்கு போடி கிளைச் செயலாளர் திருமிகு.ஸ்ரீதர் அவர்கள் தலைமை தாங்கினார். பள்ளி தலைமை ஆசிரியர் அவர்கள் முன்னிலை வகித்தார்.கம்பம் கிளைச் செயலாளர் திருமிகு.க.முத்துக்கண்ணன் கருத்தாளராக கலந்து கொண்டு மாணவ-மாணவியர்களுக்கு ஐசான் வால் நட்சத்திரம் குறித்து விளக்கம் அளித்தனர்.ஐசான் வால் நட்சத்திரம் குறித்த படக்காட்சியும் காண்பிக்கப்பட்டது.25க்கும் மேற்பட்ட ஆசிரியர்கள் 250 க்கும் மேற்பட்ட மாணவ்-மாணவியர் பங்கேற்றனர்.500 ரூபாய் அளவிற்கு புத்தக விற்பனையும் நடைப்பெற்றது…

மந்திரமா? த ந்திரமா? அறிவியல் நிகழ்ச்சி

மந்திரமா? த ந்திரமா? அறிவியல் நிகழ்ச்சி -1

தமிழ்நாடு அறிவியல் இயக்கம் சார்பில் (நவம்பர் 13-2013)புதன் கிழமை அன்று போடி ஒன்றியத்திறகு உட்பட்ட செளண்டீஸ்வரி நடு நிலைப்பள்ளியில் மந்திரமா? தந்திரமா? அறிவியல் நிகழ்ச்சி காலை 11 மணி அளவில் நடைபெற்றது.பள்ளி தலைமை ஆசிரியர் திருமிகு. சதீஸ் குமார் தலைமை தாங்கினார்.தமிழ்நாடு அறிவியல் இயக்க கன்னியாகுமரி மாவட்ட கருத்தாளர் திருமிகு.எஸ்.தாமோதரன் கலந்து கொண்டு பள்ளி குழந்தைகளுக்கு மூட நம்பிக்கைகளுக்கு எதிரான அறிவியல் செயல்பாடுகளை செய்து காட்டினர். 350 க்கும் மேற்பட்ட மானவ மாணவியர் ஆர்வத்துடன் கலந்து கொண்டனர்.பள்ளி மாணவர் ஜெயராமன் இறுதியில் நன்றி கூறினார்.போடி கிளை செயலாளர் திருமிகு ஸ்ரீதர் நிகழ்ச்சிக்கான ஏற்பாடுகளைச் செய்தார்.

மந்திரமா? தந்திரமா? அறிவியல் நிகழ்ச்சி -2

தமிழ்நாடு அறிவியல் இயக்கம் சார்பில் (நவம்பர் 13-2013)புதன் கிழமை அன்று போடி ஒன்றியத்திறகு உட்பட்ட போடி அம்மாபட்டி கிராமத்தில் உள்ள ஊராட்சி ஒன்றிய நடுநிலைப்பள்ளியில் மந்திரமா? தந்திரமா? அறிவியல் நிகழ்ச்சி மாலை 3 மணி அளவில் நடைபெற்றது.பள்ளி தலைமை ஆசிரியர் திருமிகு.ஆண்டவன் தலைமை தாங்கினார்.தமிழ்நாடு அறிவியல் இயக்க கன்னியாகுமரி மாவட்ட கருத்தாளர் திருமிகு.எஸ்.தாமோதரன் கலந்து கொண்டு பள்ளி குழந்தைகளுக்கு மூட நம்பிக்கைகளுக்கு எதிரான அறிவியல் செயல்பாடுகளை செய்து காட்டினர். 100 க்கும் மேற்பட்ட மாணவ மாணவியர் ஆர்வத்துடன் கலந்து கொண்டனர்.அறிவியல் பட்டதாரி ஆசிரியர் மற்றும் போடி கிளைப் பொருளாளர் திருமிகு.ஜெகதீசன் இறுதியில் நன்றி கூறினார்.போடி கிளை செயலாளர் திருமிகு ஸ்ரீதர் நிகழ்ச்சிக்கான ஏற்பாடுகளைச் செய்தார்.

மந்திரமா?தந்திரமா நிகழ்ச்சி:

31-08-13 சனிக்கிழமை மதியம் 2 மணி அளவில் குண்டல நாயக்கன்பட்டியில் உள்ள ஊராட்சி ஒன்றிய நடுநிலைப்பள்ளியில் மாநில கருத்தாளர் திருமிகு வீரையா பங்கேற்ற மந்திரமா? தந்திரமா? நிகழ்ச்சி நடைபெற்றது.பள்ளி தலைமை ஆசிரியை திருமிகு ஜமுனா ராணி தலைமை தாங்கினார்.கிராமக் கல்வி குழு உறுப்பினர் திருமிகு வீரமுத்து அவர்கள் முன்னிலை வகித்தார்.போடி கிளை செயலாளர் திருமிகு ஸ்ரீதர் அவர்கள் வரவேற்புரை ஆற்றினார்.மாணவர்கள் மத்தியில் தனக்கே உரிய நகைச்சுவை உணர்வோடு வீரையா அவர்கள் சிறப்பாக நிகழ்ச்சியை வழி நடத்தினார்.170 மாணவர்கள் மற்றும் 10 ஆசிரியர்கள் கல ந்து கொண்டனர்.இறுதியல் ஆசிரியர் கமல் நன்றி கூறினார்.

தமிழ்நாடு அறிவியல் இயக்கம்- போடி 3ஆவது கிளை மாநாடு

அறிவியல் வணக்கம். தமிழ்நாடு அறிவியல் இயக்கம்-போடி வட்டார கிளையின் 3வது மாநாடு 03-04-2013 (புதன் கிழமை)மாலை போடி பேருந்து நிலையம் அருகில் மூட்டா அலுவலகத்தில் நடைபெற்றது. கிளைத்தலைவர் திருமிகு.காளிதாஸ் மாநாட்டிற்குதலைமை தாங்கினார். திருமிகு சிவாஜி வரவேற்புரை ஆற்றினார். மாவட்ட கௌரவத் தலைவர் திருமிகு எஸ்.எம்.செளகத் அலிதுவக்கவுரை ஆற்றினார். கிளை செயலாளர் திருமிகு ப.ஸ்ரீதர் செயலறிக்கையை வாசித்தார். . கிளை பொருளாளர் திருமிகுகோ.ஜெகதீசன் பொருள் அறிக்கை சமர்ப்பித்தார் . அறிக்கை மீதான விவாதம் நடைபெற்றது. அதனைத் தொடர்ந்து புதிய நிர்வாகிகள் தேர்வு நடைபெற்றது. கிளையின் தலைவராக திருமிகு காளிதாஸ் செயலாளராக திருமிகு ப.ஸ்ரீதர் பொருளாளராக திருமிகுகோ.ஜெகதீசன் ஆகியோர் ஒருமனதாகத் தேர்ந்து எடுக்கப்பட்டனர். புதிதாக தேர்ந்தெடுக்கப்பட்ட நிர்வாகிகளை மாவட்ட ஆலோசனைகுழு உறுப்பினர் பேரா.ஆர்.பாண்டி, பெரியகுளம் கிளை செயலர் திருமிகு ராம்சங்கர், பெரியகுளம் கிளை தலைவர் திருமிகுபாலசுப்ரமணியம், மாவட்ட செயலர் திருமிகு தே.சுந்தர், தேனி கிளைச் செயலாளர் மு.தெய்வேந்திரன் ஆகியோர் வாழ்த்திப் பேசினர்.கிளை பொருளாளர் திருமிகு ஜெகதீசன் நன்றியுரை வழங்கினார். கல்வி உப குழு மாவட்ட ஒருங்கிணைப்பாளர் திருமிகுவி.வெங்கட்ராமன் மாநாட்டை ஒருங்கிணைத்தார். 

வி.வெங்கட்ராமன்

போடியில் தண்ணீர் தினக் கருத்தரங்கம்

தமிழ்நாடு அறிவியல் இயக்கம் போடி வட்டாரக்கிளையின் சார்பில் சர்வதேச தண்ணீர் தினத்தை முன்னிட்டு மார்ச்,22 அன்று முற்பகல் போடி பங்கஜம் நடுநிலைப் பள்ளியில் கருத்தரங்கம் நடைபெற்றது. தலைமை ஆசிரியர் குமரேசன் தலைமை வகித்தார். மாவட்டத் துணைச் செயலாளர் மு.தெய்வேந்திரன் வரவேற்றார். அறிவியல் இயக்கத்தின் மாநிலச் செயலாளர் மு.தியாகராஜன் தண்ணீரின் முக்கியத்துவம், இன்றைய பிரச்சனைகள் குறித்து கருத்துரை வழங்கினார். போடி கிளையின் செயலாளர் ப.ஸ்ரீதர் நன்றி கூறினார். இயற்கை வளங்களைக் காப்பதன் அவசியம் குறித்து மாணவர்களின் நாடகம் அரங்கேறியது. 200க்கும் மேற்பட்ட மாணவ மாணவியர் கலந்துகொண்டனர்.

தமிழ்நாடு அறிவியல் இயக்கம் போடி ஒன்றியக்கிளைக் கூட்டம்

இன்று -மார்ச்,30- மாலை தமிழ்நாடு அறிவியல் இயக்கம் போடி ஒன்றியக்கிளைக் கூட்டம் போடி-தமிழ்நாடு ஆரம்பப் பள்ளி ஆசிரியர் கூட்டணி அலுவலகத்தில் நடைபெற்றது. மாவட்டச் செயற்குழு முடிவுகள், மாநிலச் செயற்குழு, தொண்டர்கள் பயிற்சி முகாம், உலக புத்தக தின ஏற்பாடுகள் குறித்து விவாதிக்கப்பட்டது. கிளைத்தலைவர் காளிதாஸ், செயலாளர் ப.ஸ்ரீதர் மற்றும் பேரா.ஆர்.பாண்டி, எஸ்.சிவாஜி, மு.தெய்வேந்திரன் உள்ளிட்ட நண்பர்கள் கலந்துகொண்டனர்.

--
SUNDAR.D
DISTRICT SECRETARY
TNSF@THENI

துளிர் இல்லக் குழந்தைகள் வாசிப்பு முகாம்

மார்ச்,23,2012 அன்று காலை முதல் மாலை வரை தமிழ்நாடு அறிவியல் இயக்கம், போடி ஒன்றியக்கிளையின் சார்பில் துளிர் இல்லக்குழந்தைகளுக்கான வாசிப்பு முகாம் சூலப்புரம், ஊராட்சி ஒன்றிய நடுநிலைப்பள்ளியில் நடைபெற்றது. மீனாட்சிபுரம், சிலமலை மற்றும் சூலப்புரம் ஆகிய மூன்று கிராமங்களில் இருந்து 50க்கும் மேற்பட்ட துளிர் இல்லக் குழந்தைகள் கலந்துகொண்டனர். அறிவியல் இயக்க மாவட்ட துணைச் செயலாளர் மு.தெய்வேந்திரன் குழந்தைகளுக்கான சில கதைகளைச் சொல்லி துவக்கவுரையாற்றினார். மாவட்ட ஒருங்கிணைப்பாளர் வி.வெங்கட்ராமன் எளிய அறிவியல் பரிசோதனைகளைச் செய்துகாட்டினார். மாவட்டச் செயலாளர் தே.சுந்தர் குழந்தைகளுக்கான செயல்பாடுகளைச் செய்தார். குழந்தைகள் தனித்தனியாகவும் பின்னர் குழுக்களாகவும் புத்தகங்களை வாசித்து தங்கள் அனுபவங்களைப் பகிர்ந்துகொண்டனர். சுவாரசியமான சில படங்களும் திரையிடப்பட்டன. துளிர் இல்ல மாநில ஒருங்கிணைப்பாளர் அ.அமலராஜன் நிறைவுரையாற்றினார். போடி ஒன்றியக்கிளைச் செயலாளர் ப.ஸ்ரீதர் நன்றி கூறினார். மாவட்டப்பொருளாளர் எஸ்.சிவாஜி, நாகராஜ், பாண்டி உள்ளிட்ட நண்பர்களும் கலந்துகொண்டனர்.

--
SUNDAR.D
DISTRICT SECRETARY
TNSF@THENI

போடியில் வான் நோக்கல் -நிகழ்ச்சி

ஜனவரி,27,2012 அன்று மாலை முதல் போடி சிசம் மெட்ரிக் மேல்நிலைப்பள்ளியில் வான்நோக்கல் நிகழ்ச்சி நடைபெற்றது.. பள்ளியின் தாளாளர் துவங்கிவைத்தார்.. ஆசிரியர் அ.சதீஷ் வரவேற்றுப்பேசினார்.. அறிவியல் இயக்க மாவட்டச் செயலாளர் தே.சுந்தர் அறிமுக உரையாற்றினார்.. மதுரை.இல.நாராயணசாமி வான் நோக்கல் நிகழ்ச்சியை நடத்தினார்.. போடி அறிவியல் இயக்க கிளைச் செயலாளர் ப.ஸ்ரீதர், கிளைப்பொருளாளர் கோ.ஜெகதீசன், மாவட்டப்பொருளாளர் எஸ்.சிவாஜி மற்றும் பேரா.ஆர்.பாண்டி உள்ளிட்ட நண்பர்களும் சுமார் 150 மாணவர்களும் ஆசிரியர்களும் கலந்துகொண்டனர்.. பள்ளி முதல்வர் திருமதி.தேன்மொழி ஏற்பாடுகளைச் செய்திருந்தார்..

துளிர் இல்லங்கள் துவக்கம்

 அன்பு நண்பர்களே..

இன்று-பிப்ரவரி-5- போடி வட்டாரம், சிலமலை ஊராட்சி ஒன்றிய ஆரம்பப் பள்ளியில் மூன்று துளிர் இல்லங்கள் துவங்கப் பட்டன. மூன்று பள்ளிகளைச் சேர்ந்த சுமார் 40 குழந்தைகள் கலந்துகொண்டனர்.   அறிவியல் இயக்கப் பாடல்கள், மகிழ்ச்சியூட்டும் சில செயல்பாடுகள், அறிவியல் சிறுகதைகள் ஆகிய மூன்று தலைப்புகளில் இன்றைய நிகழ்வுகள் அமைந்தன.. மாவட்டச் செயலாளர் தே.சுந்தர், மாவட்டப் பொருளாளர் எஸ்.சிவாஜி, மாவட்டக் கல்வி ஒருங்கிணைப்பாளர் வி.வெங்கட்ராமன் ஆகியோர் கருத்தாளர்களாகக் கலந்துகொண்டனர். மிகச் சரியாக ஒருமணி நேரம் மட்டும் நடைபெற்றது. மிகவும் மகிழ்ச்சிகரமாக இருந்தது. துளிர் இல்ல ஒருங்கிணைப்பாளர்கள் பாண்டி, ராமுத்தாய் மற்றும் அமராவதி ஆகியோர் ஒருங்கிணைத்தனர்.

போடி ஒன்றியக்கிளை மாநாடு

2011,ஜுன்,6ம் தேதி போடி சூலப்புரம் ஊராட்சி ஒன்றிய நடுநிலைப்பள்ளியில் தமிழ்நாடு அறிவியல் இயக்கத்தின் போடி ஒன்றியக்கிளை மாநாடு நடைபெற்றது. பேரா.பொ. இராஜமாணிக்கம் எண்டோசல்பான் தடை எதற்கு என்ற தலைப்பில் கருத்துரை வழங்கினார். முனைவர்.எஸ்.கண்ணன், பா.செந்தில்குமரன், தே.சுந்தர், செ.சிவாஜி மற்றும் பொதுமக்கள்,பெண்கள்,மாணவர்கள் உட்பட நூற்றுக்கும் மேற்பட்டோர் கலந்துகொண்டனர்.. கிளையின் தலைவராக எஸ்.காளிதாஸ், செயலாளராக ப.ஸ்ரீதர்,பொருளாளராக கோ.ஜெகதீசன் ஆகியோரும் துணைத் தலைவர்களாக எஸ்.சரவணன்,ராமதாஸ் துணைச் செயலாளர்களாக மு.தெய்வேந்திரன், செல்வேந்திரன் ஆகியோரும் தேர்வுசெய்யப்பட்டனர்.

கல்பனா சாவ்லா துளிர் இல்லத்தின் துவக்கவிழா

தமிழ்நாடு அறிவியல் இயக்கம், போடி கிளையின் சார்பில் போடி மீனாட்சிபுரம் கிராமத்தில் கல்பனா சாவ்லா துளிர் இல்லத்தின் துவக்கவிழா கடந்த ஆகஸ்ட்,15ம் தேதி நடைபெற்றது. போடி கிளைச்செயலாளர் திரு.ஸ்ரீதர் தலைமை வகித்தார். துளிர் இல்ல ஒருங்கிணைப்பாளர் திரு.நாகராஜன் வரவேற்றார். தமிழ்நாடு அறிவியல் இயக்கத்தின் மாவட்டச் செயலாளர் திரு.தே.சுந்தர் துளிர் இல்லத்தின் செயல்பாடுகள் குறித்து விளக்கிப் பேசி காகிதக் கலைச் செயல்பாடுகளைச் செய்துகாட்டினார். மாவட்டப் பொருளாளர் திரு.சிவாஜி அறிவியல் இயக்கத்தின் பாடல்களைப் பாடினார். மாவட்டக் கருத்தாளர் திரு.வெங்கட்ராமன் குழந்தைகளுக்கான எளிய அறிவியல் பரிசோதனைகளைச் செய்து காட்டினார். மாவட்டத் துணைச்செயலாளர் திரு.மு.தெய்வேந்திரன் தொகுத்து வழங்கினார்..நண்பர் செல்லப்பாண்டியன் நன்றி கூறினார்.