புதன் இடை மறிப்பு நிகழ்ச்சி

தமிழ்நாடு அறிவியல் இயக்கத்தின் கூடலூர் நகரக்கிளை சார்பில் மே 9 அன்று மாலை 5 ,மணிக்கு குரு டிரெயினிங் அகாடமியில் நடைப்பெற்றது.கூடலூர் கிளை இணைச்செயலாளர் போ.பிரபாகரன் மற்றும் பொருளாளர் ராஜ்குமார் ஆகியோர் நிகழ்ச்சியை ஒருங்கிணைத்தனர்.மாவட்ட செயலாளர் வி.வெங்கட் கருத்தாளராக கல ந்து கொண்டு புதன் இடைமறிப்பு குறித்து விளக்கம் அளித்தார்.  சரவணன் குழந்தைகளுடன் உரையாடினார். இருபதுக்கும் மேற்பட்ட குழந்தைகள் பங்கேற்றனர்

கூடலூர் நகரக்கிளை கூட்டம்

தமிழ்நாடு அறிவியல் இயக்கத்தின் கூடலூர் நகரக்கிளைக் கூட்டம் மே 6 அன்று மாலை 5 மணி அளவில் கூடலூர் குரு டிரெயினிங் அகாடமியில் நடைப்பெற்றது. கிளைத்தலைவர் சீனிவாசன் தலைமை தாங்கினார் கிளைச்செயலாளர் சூரியபிரகாஷ் வரவேற்றார். மாவட்ட செயற்குழு முடிவுகள் கூட்டத்தில் எடுத்துரைக்கப்பட்டது. ஆண்டிபட்டி சட்டமன்ற தேர்தலில் போட்டியிடும் வேட்பாளர்களை சந்தித்து நமது கோரிக்ககை மனுக்கள் அளிப்பது தொடர்பாக முடிவு எடுக்கப்பட்டது. மே 9 நடைபெற உள்ள புதன் இடைமறிப்பு நிகழ்ச்சியை குரு டிரெய்னிங் அகாடமியில் நடத்துவது என முடிவு எடுக்கப்பட்டது. மாநிலச்செயலர் தே.சுந்தர் மாவட்ட செயலர் வி,வெங்கட் கமபம் கிளை செயலர் க.முத்துக்கண்ணன் உட்பட பலர் கலந்து கொண்டனர். கிளை இணைச்செயலர் பிரபாகரன் நன்றி கூறினார்.

மாவட்டசெயற்குழு கூட்டம் 2

தமிழ் நாடு அறிவியல் இயக்கத்தின் மாவட்ட செயற்குழு கூட்டம் ஏப்ரல் 30ம் தேதி (சனிக்கிழமை) மாலை 4 மணி அளவில் தேனி கருணா பயிற்சி மையத்தில் நடைப்பெற்றது. மாவட்டத்தலைவர் திருமிகு பா.செந்தில்குமரன் தலைமை தாங்கினார். மாவட்ட பொருளாளர் எஸ் ஞானசுந்தரி முன்னலை வகித்தார். மாநிலச் செயலாளர் திருமிகு.எல்.நாராயணசாமி மற்றும் தே.சுந்தர் கலந்து கொண்டனர்.வேலை பகிர்மானம், நிதி பகிர்மானம் குறித்து விவாதிக்கப்பட்டது. மாவட்ட துணைத்தலைவர் ஆர்.மகேஸ், எஸ்.ஜேசுராஜ் துணைச் செயலாளர் தெய்வேந்திரன் மற்றும் ஆர் மணிமேகலை,தேனி கிளை செயலர் ஜெகநாதன் உட்பட மாவட்ட செயற்குழு உறுப்பினர்கள் கலந்து கொண்டனர். கல்வி உபகுழு சார்பில் ”தரமான கல்வி சமமாக வேண்டும்” முழக்கத்தோடு மே 2016 சட்டமன்ற பொதுத்தேர்தலில் போட்டியிடும் அனைத்து கட்சி வேட்பாளர்களை சந்தித்து நமது கோரிக்கை மனுக்களை அளிப்பது என முடிவு எடுக்கப்பட்டது.. பொறுப்பு கிளைகளை இயக்குவது தொடர்பாக கூட்டத்தில் விவாதிக்கப்பட்டது