தமிழ்நாடு அறிவியல் இயக்கம் தேனி மாவட்டம் சார்பில் அக்டோபர் 27 திங்கள் கிழமை அன்று விஞ்ஞானி சந்திப்பு நிகழ்ச்சி நடைப்பெற்றது. ஒரே நாளில் மூன்று பள்ளிகளில் இந்நிகழ்ச்சிக்கு மிகச்சிறப்பாக திட்டமிடப்பட்டு இருந்தது. காலை 10 மணி அளவில் கம்பம் ஸ்ரீ முத்தையா பிள்ளை நினைவு உயர்நிலைப்பள்ளியில் ஏறக்குறைய ஆயிரத்திற்கும் மேற்பட்ட குழந்தைகளோடு விஞ்ஞான பிரச்சார் விஞ்ஞானி த.வி .வெங்கடேஷ்வரன் உரையாற்றினார். மதியம் சுருளிப்பட்டி அரசு மேல் நிலைப்பள்ளியில் 200 க்கும் மேற்பட்ட மாணவ மாணவிகளுடன் கலந்துரையாடல் நடைப்பெற்றது.மாலை கூடலூர் என்.எஸ்.கே,பி,மேல்நிலைப்பள்ளியில் 300 க்கும் மேற்பட்ட மாணவர்களுடன் கலந்துரையாடல் நிகழ்ச்சி நடைப்பெற்றது.மாநிலச் செயலர் தே.சுந்தர், மாவட்ட செயலர் வி.வெங்கட் பாளையம் கிளைத்தலைவர் திருமிகு வளையாபதி மற்றும் அறிவியல் இயக்க ஆர்வலர்கள் பெரோஸ் மற்றும் ஜெகநாதன் ஆகியோர் ஏற்பாடுகளை செய்திருந்தனர்.மங்கள்யான் செயற்கைகோள் தொடர்பாகவும் இந்திய அறிவியல் ஆய்வுகள் குறித்தும் விஞ்ஞானி விளக்கம் அளித்தார்.
Oct 28, 2014
Oct 14, 2014
வழிகாட்டி ஆசிரியர்களுக்கான NCSC பயிற்சி முகாம் 2-2014
தேசிய குழந்தைகள் அறிவியல் மாநாட்டிற்கான பெரியகுளம் கல்வி மாவட்ட அளவிலான வழிகாட்டி ஆசிரியர்களுக்கான பயிற்சி முகாம் அக்டோபர் 13 திங்கள் அன்று பெரியகுளம் சரஸ்வதி நடுநிலைப்பள்ளியில் நடைப்பெற்றது. பெரியகுளம் கிளைத்தலைவர் ஏ.எஸ்.பாலசுப்ரமணியம் தலைமை தாங்கினார்.பள்ளிதலைமை ஆசிரியர் முன்னிலை வகித்தார். மாவட்டத்தலைவர் பா.செந்தில குமரன் வரவேற்புரை ஆற்றினார்.மாவட்ட செயலாளர் வி.வெங்கட் தேசிய குழந்தைகள் அறிவியல் மாநாடு தொடர்பாக அறிமுகவுரை ஆற்றினார். மாநிலக்கருத்தாளர் திருமிகு.பேரா.சோ.மோகனா கலந்து கொண்டு மாநாட்டிற்கான கருப்பொருள் தொடர்பாக ஆசிரியர்களுக்கு விளக்கம் அளித்தனர்.80 க்கும் மேற்பட்ட ஆசிரியர்கள் முகாமில் கலந்து கொண்டனர்.ஆசிரியர் ராஜா நன்றியுரை வழங்கினார்.
Oct 10, 2014
வழிகாட்டி ஆசிரியர்களுக்கான NCSC பயிற்சி முகாம் 1-2014
தேசிய குழந்தைகள அறிவியல் மாநாட்டிற்கான உத்தமபாளையம் கல்வி மாவட்ட அளவிலான வழிகாட்டி ஆசிரியர்களுக்கான பயிற்சி முகாம் அக்டோபர் 9 வியாழன் அன்று கம்பம் நாகமணிஅம்மாள் மெட்ரிக் மேல்நிலைப்பள்ளியில் நடைப்பெற்றது. மாவட்ட செயற்குழு உறுப்பினர் ஓவியர் பாண்டி தலைமை தாங்கினார்.பள்ளி முதல்வர் முன்னிலை வகித்தார்.மாவட்ட செயலாளர் வி.வெங்கட் வரவேற்புரை ஆற்றினார். உத்தமபாளையம் கல்வி மாவட்ட அலுவலர் வனஜா மேரி அறிமுகவுரை ஆற்றினார்.மாநிலச் செயலாளர் தே.சுந்தர் கலந்து கொண்டு தேசிய குழந்தைகள் அறிவியல் மா நாடு தொடர்பாக அறிமுகவுரை ஆற்றினார். மாநிலக்கருத்தாளர் முனைவர் தினகரன் மற்றும் மாவட்ட இணைச்செயலர் திருமிகு.ஞானசுந்தரி ஆகியோர் கலந்து கொண்டு மாநாட்டிற்கான கருப்பொருள் தொடர்பாக ஆசிரியர்களுக்கு விளக்கம் அளித்தனர்.60 க்கும் மேற்பட்ட ஆசிரியர்கள் முகாமில் கலந்து கொண்டனர்.
Subscribe to:
Posts (Atom)