மார்ச்-8 : மகளிர் தினத்தை முன்னிட்டு அறிவியல் இயக்கம் சார்பில் போட்டிகள் அறிவிப்பு

அன்புடையீர், வணக்கம்.

மார்ச்-8 சர்வதேச மகளிர் தினத்தை முன்னிட்டு ஒவ்வொரு ஆண்டும் போட்டிகள் நடத்துவது, கருத்தரங்குகள் நடத்துவது என அறிவியல் இயக்கம் சார்பில் கொண்டாடி வருகிறோம். இந்த ஆண்டின் மகளிர் தினத்தை முன்னிட்டு பின்வரும் தலைப்புகளில் போட்டிகள் அறிவிக்கப்படுகின்றன..

6,7,8 வகுப்பு மாணவர்களுக்கு கட்டுரைப்போட்டி - பாலின சமத்துவம், ஓவியப்போட்டி - பெண் விடுதலை, கவிதைப் போட்டி - நாம் வெல்லுவோம் ஆகிய தலைப்புகளில் நடைபெறும். 9-12 வகுப்பு குழந்தைகளுக்கு கட்டுரை - பெண் கல்வி : நேற்று இன்று நாளை, ஓவியம்: சிகரம் தொட்ட பெண்கள், கவிதை -  சிகரம் நோக்கி ஆகிய தலைப்புகளில் நடைபெறும்.

கல்லூரி மாணவர்களுக்கு கட்டுரை - இன்றைய பெண் குழந்தைகளின் நிலை, ஓவியம் - விண்ணைத் தொட்ட பெண் இனம் , கவிதை - சரிபாதிப் பெண்ணே ஆகிய தலைப்புகளிலும் ஆசிரியர்கள் மற்றும் பொதுமக்களுக்கு (பெண்கள் மட்டும்) கட்டுரை - பெண்ணும் பரிணாமமும், கவிதை - சரிபாதிப் பெண்ணே ஆகிய தலைப்புகளிலும் நடைபெறும்..

படைப்புகள் மார்ச் 25க்குள் வந்து சேர வேண்டும். மார்ச் 31 அன்று தேனி மாவட்ட அளவிலான முடிவுகள் www.tnsftheni.blogspot.com என்கிற வலைப்பக்கத்தில் வெளியிடப்படும்.

படைப்புகள் சொந்தமானதாகவும் இதுவரை வெளிவராத, புதிய படைப்புகளாக இருக்க வேண்டும்.

கட்டுரைகள் ஏ4 தாளில் நான்கு பக்கங்களுக்கு மிகாமல் இருக்க வேண்டும். கவிதைகள் எனில் 25 வரிகளுக்குள் இருக்க வேண்டும். ஓவியம் ஏ4 தாளில் வரைந்து அனுப்பி வைக்க வேண்டும்.

படைப்புகளில் பெயர், வகுப்பு மற்றும் பிரிவு, பள்ளி, கல்லூரி முகவரி தெளிவாக குறிப்பிடப்பட வேண்டும். அலைபேசி எண், மின்னஞ்சல் முகவரி (இருந்தால்) அவசியம் குறிப்பிட வேண்டும்.

பங்கேற்பாளர்கள் அனைவருக்கும் மாநில மையத்தின் சார்பில் பாராட்டுச் சான்றிதழ் வழங்கப்படும்.. மாநில அளவிலான பரிசளிப்பு நிகழ்ச்சிக்கான தேதி பின்னர் அறிவிக்கப்படும்.

தேனி மாவட்ட படைப்புகள் அனுப்பி வைக்க வேண்டிய முகவரி: அருணா சுந்தர், மாவட்ட ஒருங்கிணைப்பாளர், மகளிர் தின போட்டிகள்-2020, தமிழ்நாடு அறிவியல் இயக்கம், 203/9, நாராயணத் தேவன்பட்டி, தேனி மாவட்டம்- 625521 அலைபேசி: 9047140584

மேலும் விவரங்களுக்கு:

மு.தெய்வேந்திரன்
மாவட்டச் செயலாளர்
9080825194
தேனி மாவட்டம்

முத்துலட்சுமி

மாநில ஒருங்கிணைப்பாளர்

9994024245

தேனி மாவட்டம் முழுவதும் தேசிய அறிவியல் தின நிகழ்ச்சிகள்

திருச்சி மாவட்டம் திருவானைக்காவலில் பிறந்த விஞ்ஞானி சி.வி.ராமன் 1928ஆம் ஆண்டு பிப்.28 ஆம் தேதி தனது ஒளிச் சிதறல் குறித்த ஆய்வை அறிவித்த நாள் ஆகும். அந்த ஆய்விற்காக 1930ல் முதல் முதலாக இயற்பியலுக்கான நோபல் பரிசு பெற்ற இந்தியர், ஆசிய விஞ்ஞானி சி.வி.ராமன் ஆவார். அவருடைய கண்டுபிடிப்பையும் அவருடைய அறிவியல் சார்ந்த முயற்சிகளையும் போற்றும் விதமாக 1986 ஆம் ஆண்டு முதல் தேசிய அறிவியல் தினமாகக் கொண்டாடப்பட்டு வருகிறது.

அறிவியல் ஆர்வத்தையும் அறிவியல் மனப்பான்மையையும் குழந்தைகளிடையே, பொதுமக்களிடையே கொண்டு செல்லும் விதமாக தமிழ்நாடு அறிவியல் இயக்கம் சார்பில் மாநிலம் முழுவதும் பல்வேறு நிகழ்ச்சிகள் ஏற்பாடுகள் செய்யப்பட்டிருந்தன. விஞ்ஞானி சி.வி.ராமன் முகமூடியும் அவரைப் பற்றிய சிறு நூலும் தமிழ்நாடு அறிவியல் இயக்கம் சார்பில் வெளியிடப்பட்டன.

பள்ளிகளில் குழந்தைகள் விஞ்ஞானி ராமன் அவர்களின் முகமூடி அணிந்து மகிழ்ந்தனர். தேனியில் அரண்மனைப்புதூர், அன்னஞ்சி, ஆண்டிபட்டியில் வரதராஜபுரம், பெருமாள் கோவில் பட்டி, போடிநாயக்கனூர், கடமலைக்குண்டு ஒன்றியத்தில் சிறப்பாறை, தும்மக்குண்டு, காமராஜபுரம் உள்ளிட்ட பல்வேறு கிராமங்களிலும் கம்பம் ஒன்றியத்தில் கூடலூர், கம்பம், கருநாக்கமுத்தன்பட்டி, சுருளிப்பட்டி ஆகிய கிராமங்களில் உள்ள பள்ளிகளிலும் பெரியகுளம் பகுதியில் டி.வாடிப்பட்டி, சில்வார்பட்டி மற்றும் சின்னமனூர் ஒன்றியம் சீலையம்பட்டி, உத்தமபாளையம் ஒன்றியத்தில் தேவாரம் உள்ளிட்ட பகுதிகளில் தேசிய அறிவியல் தினத்தை முன்னிட்டு ஊர்வலம், கண்காட்சிகள், கருத்துரைகள் என பல்வேறு நிகழ்ச்சிகள் இன்று நடைபெற்றன.

சுருளிப்பட்டியில் அரசு கள்ளர் ஆரம்பப் பள்ளியின் சார்பில் நடைபெற்ற தேசிய அறிவியல் தின ஊர்வலத்தை தமிழ்நாடு அறிவியல் இயக்கத்தின் மாநிலச் செயலாளர் தே.சுந்தர் பறையிசைத்து தொடங்கி வைத்தார். மாவட்டம் முழுவதும் நடந்த நிகழ்ச்சிகளை தமிழ்நாடு அறிவியல் இயக்க மாவட்டச் செயலாளர் தெய்வேந்திரன், இணைச் செயலாளர்கள் வெங்கட்ராமன், ஞானசுந்தரி, ஜெயந்தி, பொருளாளர் மணிமேகலை, மாவட்டத் தலைவர் மகேஷ், சதீஷ், தாழைக்குமரன், பாண்டி உள்ளிட்ட பொறுப்பாளர்கள் ஒருங்கிணைத்தனர்.

டாா்வின் கொள்கை ஆய்வுக் கருத்தரங்கு

தேனி மாவட்டம் கம்பத்தில் தமிழ்நாடு அறிவியல் இயக்கம் சாா்பில் டாா்வின் கொள்கைகளை பற்றிய ஆய்வு கருத்தரங்கு வெள்ளிக்கிழமை நடைபெற்றது.

இக்கருத்தரங்கிற்கு மாநிலச் செயலாளா் தே.சுந்தா் தலைமை வகித்தாா். வெங்கட்ராமன் நிகழ்ச்சியை தொகுத்து வழங்கினாா். மாநிலத் தலைவா் தினகரன், டாா்வின் குறித்தும், பரிணாமம், மரபணு மற்றும் ஜீன் தெரபி, பாலின வேறுபாடுகள், மனித இனத்தின் 20-க்கும் மேற்பட்ட கிளை இனங்கள் குறித்து பல்வேறு அறிவியல் விளக்கங்கள் அளித்துப் பேசினாா்.

போடி, தேனி, ஆண்டிபட்டி, தேவாரம், உத்தமபாளையம் ஆகிய பகுதி மாணவா்கள் கலந்து கொண்டனா். கருத்தரங்கில், டாா்வின் மற்றும் சி.வி.ராமன் முகமூடிகள், அவா்களைப் பற்றிய சிறு நூல்களும் வெளியிடப்பட்டன. மாவட்டத் தலைவா் மா.மகேஷ், சுரேஷ்குமாா் உள்ளிட்ட நிா்வாகிகள் கலந்து கொண்டனா். முன்னதாக பொதுக் குழு உறுப்பினா் மா.சிவக்குமாா் வரவேற்றாா். மாவட்டச் செயலாளா் மு. தெய்வேந்திரன் நன்றி கூறினாா்.

நன்றி: தினமணி நாளிதழ்