விஞ்ஞானி சந்திப்பு நிகழ்ச்சி

தமிழ்நாடு அறிவியல் இயக்கம் தேனி ஒன்றியக்கிளை சார்பாக குழ ந்தைகளுடான விஞ்ஞானி சந்திப்பு நிகழ்ச்சி தேனி ஒன்றியம் லட்சுமிபுரம் அரசு உயர் நிலைப்பள்ளியில் மார்ச் 26 அன்று மதியம் 3 மணி அளவில் நடைப்பெற்றது. நிகழ்ச்சியில் சென்னை சி.எஸ்.ஐ.ஆர் மையத்தின் மூத்த விஞ்ஞானி டாக்டர் ஐயப்பன் அவர்கள் கல ந்து கொண்டு குழந்தைகளின் அறிவியல் ஆர்வத்தை தூண்டும் வகையில் சிறப்புடன் உரை ஆற்றினார். நிகழ்ச்சியில் மாநில செயலாளர் தே.சுந்தர் மாவட்ட செயலாளர் வி,வெங்கட் மாவட்ட இணைச்செயலர் எஸ்.தெய்வேந்திரன் ஆகியோர் கலந்து கொண்டனர். நிகழ்ச்சிக்கான ஏற்பாடுகளை தேனி கிளைச் செயலர் டிருமிகு.ஜெகநாதன் மற்றும் கிளை செயற்குழு உறுப்பினர் கரியன் ஆகியோர் செய்திருந்தனர் 200 க்கும் மேற்பட்ட மாணவ மாணவிகள் நிகழ்ச்சியில் பங்கேற்றனர்

புத்தகக் கண்காட்சி

தமிழ்நாடு அறிவியல் இயக்கம் கம்பம் ஒன்றியக்கிளை சார்பில் மார்ச் 12 சனி அன்று கம்பம் குலாலர் மண்டபத்தில்ஆரம்பப்பள்ளி ஆசிரியர் கூட்டணி சார்பில் நடைப்பெற்ற சேமநலநிதி விழாவில் புத்தகககண்காட்சி நடைப்பெற்றது.கமபம் கிளைத்தலைவர் ஜி,பாண்டி கிளை இணைச்செயலர் சுரேஷ்கண்ணன் கம்பம் கிளை செயற்குழு உறுப்பினர் மொ.ஜெகநாதன் மற்றும் ஆர்வலர் கோகுல் ஆகியோர் புத்தககண்காட்சிக்கான ஏற்பாட்டினை செய்திருந்தனர்.

மகளிர் தின போட்டிகள் அறிவிப்பு

கூடலூர் : உலக மகளிர் தினத்தை முன்னிட்டு தமிழ்நாடு அறிவியல் இயக்கம் சார்பில், பல்வேறு போட்டிகள் அறிவிக்கப்பட்டுள்ளன. 

தமிழ்நாடு அறிவியல் இயக்க மாவட்ட செயலாளர் வெங்கட் அறிக்கை: கட்டுரைப்போட்டி: 6 முதல் 8ம் வகுப்பு மாணவர்களுக்கு, தலைப்பு-கல்வியல்லாப் பெண்கள் களர் நிலம் போன்றவர்கள்.கவிதை: 9 முதல் 12ம் வகுப்பு மாணவர்களுக்கு, தலைப்பு - அணைகளை உடையுங்கள், ஆறுகள் பாடட்டும்.கவிதை: ஆசிரியர்கள் மற்றும் கல்லூரி மாணவர்களுக்கு, தலைப்பு- புவியை பொதுவில் நடத்து.கதை: எழுத்தாளர்கள், சமூக ஆர்வலர்களுக்கு, தலைப்பு-பறக்க மறந்த பறவை. சிறந்த படைப்புகளுக்கு மாவட்டம், மாநில அளவில் பரிசுகள் சான்றிதழ்கள் வழங்கப்படும். மேற்கண்ட தலைப்புகளின் படைப்புகள் மார்ச் 20க்குள் வெங்கட், மாவட்ட செயலாளர், தமிழ்நாடு அறிவியல் இயக்கம், கதவு எண் 6, சவுடம்மன் கோயில் தெரு, கூடலூர், தேனி மாவட்டம் என்ற முகவரிக்கு அனுப்ப வேண்டும். மேலும் விபரங்களுக்கு 94886 83229 என்ற எண்ணில் தொடர்பு கொள்ளலாம்.

நன்றி: தினமலர் நாளிதழ்

தமிழ்நாடு அறிவியல் இயக்கம் சார்பில் உலக மகளிர் தின போட்டிகள்

தமிழ்நாடு அறிவியல் இயக்கம் சார்பில் போட்டிகள்...

ஒவ்வொரு ஆண்டும் மார்ச் 8 ஆம் தேதி மகளிர் தினம் உலகம் முழுவதும் சிறப்புடன் கொண்டாடப்படுகிறது. குடும்பம் மற்றும் சமூக முன்னேற்றத்திற்கு பெண்களின் பங்கு தினமும் மனதில் நினைத்து போற்றுதலுக்குரியது. உலகம் பெண்களால் இயங்குகிறது என்பது புதுமொழி.பெண்களின் பெருமைகளை போற்றும் வகையில் மகளிர் தினத்தை முன்னிட்டு மாணவர்கள், ஆசிரியர்கள் சமூக ஆர்வலர்கள் பங்கேற்கும் வகையில் தமிழ்நாடு அறிவியல் இயக்கம் போட்டிகளை அறிவித்துள்ளது...

அதன் விவரம் பின்வருமாறு...

கட்டுரைப்போட்டி

6,7,8 ஆம் வகுப்பு மாணவர்கள்-தலைப்பு:கல்வியில்லாப் பெண்கள் களர் நிலம் போன்றவர்கள்..

கவிதைப்போட்டி

9,10,11,12 ஆம் வகுப்பு மாணவர்கள்

தலைப்பு: அணைகளை உடையுங்கள், ஆறுகள் பாடட்டும்..

கவிதைப்போட்டி

ஆசிரியர்கள், கல்லூரி மாணவர்கள்

தலைப்பு: புவியை பொதுவில் நடத்து....

கதைப்போட்டி

எழுத்தாளர்கள்,சமூக ஆர்வலர்கள்

தலைப்பு: பறக்க மறந்த பறவை ..

சிறந்த படைப்புகளுக்கு மாவட்ட மற்றும் மாநில அளவில் பரிசுகள், சான்றிதழ்கள் வழங்கப்படும்.. மேற்கண்ட தலைப்புகளில்

படைப்புகள் மார்ச் 20 ஆம் தேதிக்குள் வந்து சேர வேண்டிய முகவரி: வி.வெங்கட், மாவட்டச்செயலாளர், தமிழ்நாடு அறிவியல் இயக்கம், 6/10வார்டு, சௌடம்மன் கோயில் தெரு, கூடலூர்-625518, தேனி மாவட்டம், மேலும் தொடர்புக்கு அலைபேசி: 9488683929

குழந்தைகள் வாசிப்பு முகாம்

தமிழ்நாடு அறிவியல் இயக்கம் தேனி மாவட்டம் தேனி ஒன்றியக்கிளை சார்பாக குழந்தைகளுக்கான வாசிப்பு முகாம் நிகழ்ச்சி தேனி ஒன்றியம் லட்சுமிபுரம் அரசு உயர் நிலைப்பள்ளியில் மார்ச் 5 சனி அன்று நடைப்பெற்றது. நிகழ்ச்சியில் மாவட்ட இணைச்செயலர் எஸ்.தெய்வேந்திரன் கிளை செயற்குழு உறுப்பினர் கரியன் ஆகியோர் கலந்து கொண்டனர். கொ.ம.க இளங்கோ அவர்கள் எழுதிய சிறுவர் இலக்கிய வரிசை புத்தகங்கள் வாசிப்பிறகு எடுத்துக்கொள்ளப்பட்டன. நிகழ்ச்சிக்கான ஏற்பாடுகளை தேனி கிளைச் செயலர் திருமிகு.ஜெகநாதன் செய்திருந்தார். ஐம்பதுக்கும் மேற்பட்ட மாணவ மாணவிகள் நிகழ்ச்சியில் பங்கேற்றனர்.