அறிவியல் இயக்க மாநாடு

தினகரன்

பதிவு செய்த நேரம்:2013-04-08 12:02:20

கூடலூர், : தமிழ்நாடு அறிவியல் இயக்கம் கம்பம் வட்டார கிளையின் 3வது மாநாடு மற்றும் கருத்தரங்கம் கம்பத்தில் நடந்தது. கிளைத்தலைவர் சிவக்குமார் தலைமை வகித்தார். இளங்கோவன் முன்னிலை வகித்தார். செயற்குழு உறுப்பினர் சுரேந்தர் வரவேற்றார். கிளை செயலாளர் முத்துக் கண்ணன் செயலறிக்கை வாசித்தார். பொருளாளர் தனசேகரன் பொருளறிக்கை தாக்கல் செய்தார்.

தமிழ்நாடு அறிவியல் இயக்க மாவட்ட செயலாளர் சுந்தர், மாநில பொதுக்குழு உறுப்பினர் ஸ்ரீராமன், ஜெய்ஹிந்த் அகாடமி முதல்வர் அழகு, ஒருங்கிணைப்பாளர் முத்து மணிகண்டன், பெரியகுளம் கிளை செயலாளர் ராம்சங்கர், தேனி கிளை செயலாளர் தெய்வேந்திரன், மாவட்ட கல்வி ஒருங்கிணைப்பாளர் வெங்கட்ராமன் பேசினர்.

மாநாட்டை முன்னிட்டு தண்ணீர் தண்ணீர் என்ற தலைப்பில் கருத்தரங்கம் நடைபெற்றது. தமிழ்நாடு அறிவியல் இயக்கத்தின் மாநில கருத்தாளர் தினகரன் உலகளாவிய அளவில் பாதுகாக்கப்பட்ட குடிநீர் பிரச்னைகள், குடிநீர் சார்ந்த நோய்கள் குறித்து பேசினார்.

மாவட்ட கருத்தாளர் தேவராஜின், மந்திரமா தந்திரமா மேஜிக் நிகழ்ச்சி நடந்தது. ஏராளமானோர் கலந்து கொண்டனர். துணை செயலாளர் பாண்டி நன்றி கூறினார்.