சாதனை மாணவர்களுக்கு அறிவியல் இயக்கம் பாராட்டு

 பதிவு செய்த நேரம்:2012-09-10 11:39:25

 

விழுப்புரம், : தமிழ்நாடு அறிவியல் இயக்கம், இந்தியன் வங்கி ஊழியர் அசோசியேஷன் சார்பில் சர்வதேச எழுத்தறிவு தின விழா விழுப்புரத்தில் நேற்று நடந்தது. முன்னாள் மாநில பொருளாளர் மனோகர் தலைமை தாங்கினார். மாவட்ட தலைவர் சிவமுருகன், மாவட்ட கல்வி உப குழு அய்யனார், மாவட்ட பொருளாளர் கருணாகரன்ஆகியோர் முன்னிலை வகித்தனர். அறிவியல் கல்வி பிரசார உப குழு வீரபாஸ்கரன் வரவேற்றார். ரமேஷ் அறிமுக உரையாற்றினார். 10ம் வகுப்பில் அதிக மதிப்பெண்களை பெற்ற 422 மாணவ, மாணவிகளுக்கு பரிசு வழங்கி மாவட்ட வருவாய் அலுவலர் பிருந்தாதேவி சிறப்புரையாற்றினார். ஆசிரியர்களுக்கு நினைவு பரிசு வழங்கி அனைவருக்கும் இடைநிலை கல்வி இயக்க இணை இயக்குனர் நரேஷ் சிறப்புரையாற்றினார். இஎஸ் கல்வி குழும தலைவர் சாமிக்கண்ணு, அறிவியல் இயக்க மாநில தலைவர் மணி, ராமகிருஷ்ணா வித்யாலயா மெட்ரிக் மேல்நிலை பள்ளி முதல்வர் பாட்சா, அனைத்து பொறியாளர் பேரவை மாநில துணை செயலாளர் பார்த்திபன் உட்பட பலர் கலந்து கொண்டனர். மாவட்ட செயலாளர் பாலமுருகன் நன்றி கூறினார்.

நன்றி: தினகரன்