தமிழ்நாடு அறிவியல் இயக்கம் பள்ளிக்குழந்தைகளிடையே அறிவியல் மனப்பான்மையை வளர்ப்பதற்காக மந்திரமா தந்திரமா நிகழ்ச்சிகள், எளிய அறிவியல் பரிசோதனைகள், ஓரிகாமி பயிற்சிகள், குழந்தைகள் அறிவியல் திருவிழா,மெட்ரிக் மேளா, துளிர்-ஜந்தர்மந்தர் அறிவியல் வினாடிவினா, துளிர் அறிவியல் விழிப்புணர்வுத் திறனறிதல் போட்டிகள்,பல்வேறு அறிவியல் அறிஞர்களின் பெயரில் துளிர் இல்லங்கள் என ஆண்டு முழுவதும் தொடர்ந்து நிகழ்ச்சிகளை நடத்தி வருகிறது.
அதேபோல, மத்திய அரசின் குழந்தை விஞ்ஞானியர் விருதுக்கான தேசிய குழந்தைகள் அறிவியல் மாநாட்டையும் மத்திய அரசின் அறிவியல் தொழில்நுட்பத்துறை, தேசிய தகவல் தொழில்நுட்ப பரிமாற்றக்குழு ஆகியவற்றோடு இணைந்து கடந்த 18 ஆண்டுகளாக நடத்தி வருகிறது.
தேசிய குழந்தைகள் அறிவியல் மாநாடு மாவட்ட அளவில்,மாநில அளவில் மற்றும் தேசிய அளவில் என மூன்று கட்டங்களாக நடைபெறும். இம்மாநாட்டில் பங்கேற்பதற்கான வழிமுறைகள், ஆய்வு செய்யும் உத்திகள், சமர்ப்பிக்கும் நெறிமுறை, தலைப்பைத் தெரிவுசெய்யும் முறை ஆகியவற்றை விளக்குவதற்காக தமிழ்நாடு அறிவியல் இயக்கம் பெரியகுளம் கிளையின் சார்பில் வழிகாட்டி ஆசிரியர் பயிற்சி முகாம் நடத்துவதற்கு திட்டமிடப்பட்டுள்ளது. மாநில,மாவட்டக் கருத்தாளர்கள் பங்கேற்று கருத்துரை வழங்க உள்ளனர்.
எனவே தங்கள் பள்ளியில் இருந்து அறிவியல் ஆசிரியர் அல்லது அறிவியல் பாடம் எடுக்கும் ஆசிரியர் மற்றும் அறிவியலில் ஆர்வமுடைய 10 குழந்தைகளை அவசியம் கலந்து கொள்ளச்செய்து பயனடையுமாறு அன்புடன் அழைக்கிறோம்.
பயிற்சி விபரம்
Ø அக்டோபர்,22 சனிக்கிழமை காலை 10 மணி-12.30 மணி
Ø டிரையம்ப் மெட்ரிக் பள்ளி,பெரியகுளம்
மேலும் விபரங்களுக்கு..
எ.எஸ்.பாலசுப்ரமணியன்,கிளைத்தலைவர்,த.அ.இ._9994845246 எஸ்.இராம்சங்கர்,கிளைச்செயலாளர்,த.அ.இ._9952511460 பெ.ஆண்டவர்,கிளைப்பொருளாளர்த.அ.இ._9952881704
No comments:
Post a Comment